UHAI CUP UNDER 20 2012

TIMU ya Mtibwa Sugar ya Morogoro leo asubuhi (Desemba 14 mwaka huu) imeibuka na ushindi wa mabao 3-1 dhidi ya Toto Africans ya Mwanza katika mechi ya michuano ya Kombe la Uhai inayoshirikisha timu za vijana wenye umri chini ya miaka 20 (U20) za klabu za Ligi Kuu ya Vodacom.

Juma Luzio alifunga mabao yote matatu (hat trick) katika mechi hiyo iliyochezwa Uwanja wa Kumbukumbu ya Karume jijini Dar es Salaam. Alifunga mabao hayo dakika za 44,81 na 88.

 

Hata hivyo, Toto Africans ndiyo walioanza kufunga katika mechi hiyo ya kundi A. Bao hilo katika michuano hiyo inayodhaminiwa na kampuni ya Said Salim Bakhresa kupitia maji Uhai lilifungwa dakjika ya 22 na Pastol Makula.

 

Nayo Simba imenguruma baada ya kuitandika Mgambo Shooting ya Tanga katika mechi nyingine ya michuano hiyo iliyochezwa leo asubuhi kwenye Uwanja wa Azam ulioko Chamazi. Wafungaji kwa washindi walikuwa Ramadhan Mdoe dakika ya 19, Mohamed Salum dakika ya 77 na Ramadhan Singano dakika ya 89.

 

Michuano hiyo inaendelea leo mchana na jioni. Mechi ya Ruvu Shooting na Kagera Sugar iliyokuwa ichezwe mchana Uwanja wa Azam, Chamazi sasa itafanyika saa 10 kamili jioni katika Uwanja wa Kumbukumbu ya Karume.

 

Mechi nyingine za leo ni Coastal Union vs JKT Ruvu (mchana- Karume), African Lyon vs Azam (jioni- Chamazi). Vilevile mechi kati ya JKT Oljoro na Yanga inachezwa leo Uwanja wa Chamazi.

 

Kesho (Desemba 15 mwaka huu) ni mapumziko, na michuano hiyo itaendelea Jumapili kwenye viwanja vyote viwili- Uwanja wa Kumbukumbu ya Karume na Uwanja wa Azam- Chamazi.

............................................................................MWISHO..................................................................

 

 

Stewart Hall

 

  Wachezaji wanaingia ndani

 

Daktari wa Azam, Mjerumani Gomiz akiingia uwanja waq ndege

 

WAWAKILISHI wa Tanzania katika Kombe la Shirikisho la Soka Afrika, (CAF), Azam FC wanaondoka mchana wa leo kwenda Jamhuri ya Kidemokrasia ya Kongo (DRC) kucheza mashindano ya Kombe la Hisani.

 

Michuano hiyo inatarajiwa kuanza leo na itafikia tamati Desemba 23, mwaka huu na Azam FC itashiriki kwa lengo la kuwapa mazoezi na uzoefu wachezaji wake kabla ya kuingia kwenye Kombe la Shirikisho mwakani.

 

Azam pia, itatumia mashindano hayo kama fursa ya kuwapima wachezaji wake kabla ya kuanza kwa Kombe la Shirikisho mwakani, ambako wamepangwa kuanza na Al Nasr Juba ya Sudan Kusini.

 

Hata hivyo, katika kikosi cha Azam kitakachoondoka leo, hawamo wachezaji wake wapya wa kigeni, iliyowasajili beki Mkenya, Joackins Atudo na mshambuliaji Mganda, Brian Umony.

Mashindano hayo yatashirikisha timu kubwa za kutoka Kongo kama DC Motema Pembe na A.S. Vita Club, wakati timu kutoka nje ya Kongo mbali na Azam FC, kuna Tusker FC ya Kenya, Gombe United ya Nigeria na Diable Noirs ya Kongo Brazzaville.

 

Kikosi cha Azam kinachokwenda DRC ni; Mwadini Ally, Jackson Wandwi, Gaudence Mwaikimba, Himidi Mao, Ibrahim Mwaipopo, Jabir Aziz, Kipre Tchetche, Kipre Balou, Luckson Kakolaki, Samir Hajji Nuhu, Zahoro Pazi, Seif Abdallah, Malika Ndeule, Omar Mtaki, Abdi Kassim, Uhuru Suleiman na David Mwantika.

 

Wachezaji wengine ambao hawahusiki katika safari hiyo, ni wale waliopo kwenye kikosi cha timu ya taifa, Khamis Mcha ‘Vialli’, John Bocco ‘Adebayor’ na Salum Abubakar, wakati wengine ni waliosimamishwa kwa tuhuma za kuhujumu timu, Aggrey Morris, Deo  Munishi ‘Dida’, Erasto Nyoni ambao wote wapo timu ya taifa pia na Said Mourad.

Kikosi hicho kitaongozwa na kocha Mkuu, Muingereza Stewart Hall.

 

 ......................................................................MWISHO................................................................................

 

KIKOSI BORA CHA TIMU YADUNIA

  .......................................................MWISHO..........................................................